吳雨霏投身另類搖滾

型格十足的吳雨霏（Kary），新碟與地下樂隊Hardpack合作大玩另類搖滾，在香港樂壇夾Band玩Rock不屬主流音樂，難怪Hardpack大讚Kary夠薑、夠義氣，揚言要撐硬她！

由Cookies解散獨闖樂壇的Kary被視為實力派女歌手，繼當年組成 Ping Pung後，Kary最近再次重投Band Sound懷抱，跟地下樂隊Hardpack合作出碟，心情興奮的她笑說：「好耐冇唱Rock，都要慢慢搵番嗰個感覺。」鍾情搖滾樂的Kary，早在 15、16歲已認識Hardpack，她說：「嗰時去睇Band騷，見到啲人癲晒咁玩插水，覺得好驚o架！不過之後發覺自己愛上搖滾樂。」

夾Band唱Rock一向不屬於主流音樂，在香港樂壇競爭力無疑稍弱，但Kary忠於自己的愛好，堅持玩搖滾樂，難怪Hardpack都讚她夠薑，被Kary稱做Uncle的鼓手Kevin更大讚她是義氣仔女：「佢好細個就識佢，嗰時佢話將來搵我哋夾Band，我哋諗住聽吓就算，估唔到佢真係搵番我哋，幾有義氣o架！佢絕對唔係揸流攤，我哋撐硬佢。」
MV扮嘢

Kary與Hardpack透露新碟每首歌都帶出不同訊息，Kary說：「Rock唔一定係嘈係快，我哋係另一種搖滾，啲歌詞比平時粗鄙，但比佢哋平時就斯文。」他們更會在封套、MV中扮嘢，並笑說：「我哋唔介意扮醜，會好瘋狂搞鬼o架！」成員Joseph笑說：「我哋想扮型o架！但扮唔到都冇法。」